Zahı qadına isə vəziyyəti ilə əlaqədar İnstitutun Anesteziologiya və reanimasiya şöbəsində 1 həftə şöbə müdiri Nurəngiz Əhmədova tərəfindən müalicə planı təyin olunub. HELLP sindromu, ağır dərəcəli preeklampsiya diaqnozları ilə nəzarətdə saxlanılan qadının qaraciyər fermentləri 6 dəfə normal göstəricilərdən yüksək, kreatin, bilirubin, sidikdə zülal göstəricilərinin isə həm ümumi, həm də fraksiyaları yüksək olub. Hemoinfuziya, hormonal və magnezial terapiya icra edilib, xəstə ağır vəziyyətdən çıxarılıb. Aparılan müalicələrdən sonra pasiyent özünü idarə etməyə başlayanda, orqanların funksiyaları bərpa olunandan sonra Zahılıq şöbəsinə köçürülüb. Həkim və tibbi heyətin uğurlu müalicə taktikası ilə ana körpəsi ilə birlikdə evə yola salınıb.