Mərkəzi Gömrük Hospitalının Mama-ginekologiya şöbəsinin mama-ginekoloqu, t.u.f.d. Mehriban Əmirova 20 iyul 2023-cü il tarixində İtaliyanın Turin şəhərində Mauriziano Hospitalin təşkilatçılığı ilə keçirilən “Ginekologiyada lazer tətbiqi” mövzusunda master-klassda iştirak edib.
Bu barədə Aztibb.az-a Gömrük Hospitalından xəbər verilib.
İtaliyanın məşhur mərkəzlərindən biri sayılan Mauriziano Hospitalın aparıcı mütəxəssisləri tərəfindən iştirakçılar üçün master-klassda məruzələr oxunulub və canlı əməliyyatlar nümayiş etdirilib. Həmçinin ginekoligiyada istifadə olunan müasir üsullardan biri olan lazerin qadın xəstəliklərinin müalicəsində tətbiqi barədə təcrübələr bölüşülüb, bu sahənin yenilikləri, uğurları, problemləri haqqında müxtəlif çıxışlar və geniş müzakirələr aparılıb.
İştirakçılar tərəfindən maraqla qarşılanan mövzular ətrafında qarşılıqlı təcrübə mübadiləsi aparılıb.
Tədbirin sonunda iştirakçılara sertifikatlar təqdim edilib.