TƏBİB-in tabeliyində fəaliyyət göstərən Şirvan Şəhər Mərkəzi Xəstəxanasının təşkilatçılığı ilə 3 saylı Yasəmən Körpələr Evi uşaq bağçasında "Uşaqlar arasında yoluxucu xəstəliklərin qarşısının alınması və immunoprofilaktikanın əhəmiyyəti" mövzusunda maarifləndirici tədbir keçirilib.

 

Şirvan Şəhər Mərkəzi Xəstəxanasından Aztibb.az-a bildirilib ki, tədbirdə Keyfiyyətə nəzarətin idarəedilməsi komitəsinin rəhbəri Mirzəyev Qalib, ASM-in şöbə müdiri Mətanət Səfərova, Səhiyyə xidmətlərinin təşkili şöbəsinin müdiri Günel Əsgərova və valideynlər iştirak ediblər.

 

Səhiyyə xidmətlərinin təşkili şöbəsinin müdiri Günel Əsgərova çıxış edərək bildirib ki, dünyada ciddi fəsadlar yaradan ağır xəstəliklərin profilaktikası işində uşaqların milli təqvim əsasında vaxtında peyvənd olunması xüsusi əhəmiyyət kəsb edir.

 

Sonda tədbir iştirakçılarını maraqlandıran suallara aydınlıq gətirilib.