Azərbaycan Respublikası Elmi Tədqiqatların Əlaqələndirilməsi Şurasının (ETƏŞ) Biologiya, aqrar və tibb elmləri üzrə Problem Şurasının növbəti iclası keçirilib.

AMEA-dan Aztibb.az-a verilən məlumata görə, iclasda Problem şurasının işçi qruplarının üzvləri, eləcə də iddiaçılar, müvafiq dissertasiya işlərinin elmi rəhbərləri və məsləhətçiləri iştirak ediblər. 

AMEA-nın vitse-prezidenti, Problem şurasının sədri, akademik İradə Hüseynova “Zoom” proqramı üzərindən keçirilən iclası açaraq gündəlikdə duran məsələlər haqqında şura iştirakçılarını məlumatlandırıb.

İclasda fiziki-kimyəvi biologiya üzrə 7,  botanika üzrə 3, zoologiya üzrə isə 4 dissertasiya mövzusu müzakirəyə çıxarılıb. Dissertasiya mövzuları b.ü.f.d., dos. Səbinə Ömərova, b.e.d., prof. Səyyarə İbadullayeva və b.ü.f.d., dos. İlhamə Kərimova tərəfindən təqdim edilib.

Müzakirəyə çıxarılmış bəzi mövzuların adında dəyişikliklər edilməklə 12 iş müsbət qiymətləndirilərək qeydiyyata alınıb, 2 iş yenidən müzakirə üçün geri qaytarılıb.