“Həkimlərimizi tanıyaq!" rubrikamızda bu dəfə Sumqayıt Tibb Mərkəzinin (STM) tabeliyində olan 3 nömrəli Ailə Sağlamlıq Mərkəzinin (ASM) ailə həkimi, pediatr Yasəmən Məhərrəmovadan bəhs edəcəyik.

 

O, 1969-cu ildə anadan olub. 1986-1992-ci illərdə Azərbaycan Tibb Universitetinin Pediatriya fakültəsində təhsil alıb. 1993-cü ildə Sumqayıt şəhərində internatura keçərək əmək fəaliyyətinə başlayıb.

 

Y. Məhərrəmova 1993-1999-cu illərdə Sumqayıtda 1 saylı uşaq poliklinikasında çalışıb. 2005-ci ildə Rusiyanın paytaxtı Moskva şəhərində Solntsevo rayon poliklinikasında stajor həkim kimi fəaliyyət göstərib.

 

2016-cı ildən Sumqayıt şəhər 2 saylı uşaq poliklinikası, hazırki 3 nömrəli Ailə Sağlamlıq Mərkəzində ailə həkimi, pediatr işləyir.

 

O, müxtəlif konfranslarda və təlim kurslarında iştirak edərək sertifikat və fəxri fərmanlarla təltif olunub.