TƏBİB-in İcraçı direktoru Vüqar Qurbanov cari ilin 6 ayında immunlaşdırma ilə bağlı fəaliyyətin davam etdirildiyini bildirib.
Aztibb.az xəbər verir ki, TƏBİB rəhbəri Ümumdünya Səhiyyə Təşkilatının dəstəyi ilə fevral-may aylarında Qobustan, Yevlax, Göygöl və Mingəçevirdə “İmmunlaşdırma həftəsi”nin keçirildiyini vurğulayıb.
Ana və uşaq sağlamlığının da 2023-cü ilin ilk 6 ayında diqqət mərkəzində olan sahələrdən biri olduğunu bildirən qrumun rəhbəri ana və uşaq ölümləri hallarının diqqətlə araşdırılaraq təhlil olunduğunu deyib: “Tibb müəssisəsinin səhlənkarlığı varsa, cəza tədbirləri görülüb, ailə və anaların vaxtında həkimə müraciət etməməsi səbəbindən baş verən fəsadların aradan qaldırılması üçün maarifləndirmə işləri aparılaraq anaların erkən hamiləlik dönəmindən tibbi müayinələrə cəlb olunmasına çalışılıb. Cənub regionunda “Təhlükəsiz analıq” layihəsi icra olunub”.
