Milli Maclisin deputatı Etibar Əliyevin təşəbbüsü ilə Suraxanı Tibb Mərkəzində ödənişsiz psixoterapiya xidməti həyata keçirilib.
Mərkəzdən Aztibb.az-a bildirilib ki, xidmətdən ilk istifadə edən 44 günlük Vətən müharibəsinin qazisi, baş leytenant Rafiq Rəhimli olub.
44 günlük Vətən müharibəsinin acı nəticələrindən biri müharibə iştirakçılarının, qazilərin, o cümlədən doğmalarını itirmiş şəhid ailəsi üzvlərinin, erməni terrorundan fiziki və mənəvi zərər görmüş insanların psixoloji problemlərdən əziyyət çəkmələridir. Bu istiqamətdə ölkə başçısının xüsusi həssaslığını və tapşırıqlarını nəzərə alaraq psixoloji reabilitasiyanın daha səmərəli təşkil olunması üçün son 3 ildə ciddi tədbirlər həyata keçirilib.
Suraxanı Tibb Mərkəzində son 2 ildir ki, psixoloq ştatı yaradılıb və əhaliyə yüksək səviyyədə xidmət göstərilir.Bu xidmətdən istifadə etmək istəyənlər psixoloq Aynur xanım Əliyevaya müraciət edə bilərlər.
