TƏBİB-in tabeli tibb müəssisəsi olan Kliniki Tibbi Mərkəzin Torakal cərrahiyyə şöbəsində bronxektaziya səbəbilə yatan 28 yaşlı xəstəyə torakoskopik üsulla (VATS) lobektomiya əməliyyatı icra olunub.

 

Bu barədə Aztibb.az-a Mərkəzdən məlumat verilib.

 

Bildirilib ki, qapalı üsulla 4 cm ölçüsündə olan kəsikdən sağ ağciyərin aşağı payı tamamilə çıxarılıb. Əməliyyat müddətində və sonrasında ağırlaşma müşahidə edilməyib.

 

Torakal cərrahiyyə uzmanı Fəhmin Əmirov tərəfindən həyata keçirilən əməliyyatdan 3 gün sonra xəstə sağlam şəkildə evə göndərilib.