Gəncə Şəhər Birləşmiş Xəstəxanasında (ŞBX) "Qeyri-infeksion xəstəliklərlə (QİX) mübarizədə ailə həkiminin rolu" mövzusunda konfrans təşkil edilib.

 

Aztibb.az-a Gəncə ŞBX-dan bildirilib ki, tədbir İlkin Səhiyyə Xidməti üzrə Ailə Sağlamlıq Mərkəzlərinin həkim-terapevtlərinin iştirakı ilə baş tutub.

 

Konfransda Gəncə ŞBX-nin direktoru İlkin İsmayılov, direktor müavini, ilkin səhiyyə xidmətinin rəhbəri Xalidə Sadıqova, Cavadxan ASM-in şöbə müdiri Nurlana Zeynalova, kardioloq Jalə Namazova və digər həkim-mütəxəssislər iştirak ediblər.

 

Kadr potensialının bilik və bacarıqlarının artırılması istiqamətində keçirilən konfransda böyük ictimai-sosial mahiyyətə malik QİX qrupuna aid ürək-damar xəstəlikləri, şəkərli diabet və insulin rezistentlik, tütün istifadəsinin zərərləri, piylənmə və onun fəsadları müzakirə olunub. QİX qarşısının alınmasında profilaktik tədbirlər və sanitar maarifləndirmə, erkən aşkarlanma, müalicə və reabilitasiya xidmətlərinin gücləndirilməsinə dair tövsiyyələr verilib.