Pakistanda 30 yaşlı kişi çimməyə getdikdən sonra "beyin yeyən parazit" xəstəliyindən ölüb.

Aztibb.az-ın www.telegraph.co.uk-a istinadla xəbərinə görə, qripə bənzər əlamətlər, yüksək hərarət və baş ağrısı olan kişi Lahorda tibb müəssisəsinə yerləşdirilib və orada dünyasını dəyişib.

Səhiyyə orqanları əlavə testlərdən sonra xəstədə "beyin yeyən parazit" xəstəliyinin olduğunu təsdiqləyiblər.

Qeyd edilir ki, infeksiyaya yoluxmanın əsas yolu ağız və ya burun vasitəsilə bədənə daxil olan və insan beyninə keçən çirklənmiş su ilə təmasdır. Mikroorqanizm beynin ölümcül infeksiyası olan ilkin amöb meninqoensefaliti törətməyə qadirdir.

Bu, ölkədə infeksiyaya dördüncü yoluxma halıdır.