Abşeron Rayon Mərkəzi Xəstəxanasında elmi seminar təşkil edilib.

Aztibb.az-a Xəstəxanadan bildirilib ki, tədbirdə Azərbaycan Kardioloqlar Cəmiyyəti sədrinin müavini, Azərbaycan Dövlət Həkimləri Təkmilləşdirmə İnstitutunun Terapiya kafedrasının müdiri, professor İsax Mustafayev “Hipertoniya ilə yanaşı risk amilləri olan xəstələrdə ağırlaşmalardan müdafiə” mövzusunda təqdimatla çıxış edib.

Daha sonra Abşeron Rayon Mərkəzi Xəstəxanasının həkim-kardioloqu Nurtac Ağazadənin “Arteriyal hipertoniyanın müalicəsi və klinik halların təhlili” mövzusunda məruzəsi dinlənilib.

Məruzələr ətrafında müzakirələr aparılıb, suallar cavablandırılıb.