Ümummilli Lider Heydər Əliyevin anadan olmasının 100 illiyinə həsr olunan Dermatoveneroloqların 1-ci konqresi 23-24 iyun 2023-cü il tarixlərində Bakı şəhərində keçirilib.
Mərkəzi Gömrük Hospitalından Aztibb.az-a bildirilib ki, müəssisənin dermatoveneroloqu Sevinc Kərimova konqresdə iştirak edib.
Tədbirin rəsmi açılış hissəsində Ulu Öndər Heydər Əliyevin təşəbbüsü ilə səhiyyə sahəsində aparılan islahatlardan danışılıb. Həmçinin son illər ərzində Azərbaycanda səhiyyə sisteminin təkmilləşdirilməsi istiqamətində görülən tədbirlərin əhəmiyyəti vurğulanıb.
Azərbaycandan 12 nəfər professorun və Türkiyədən 15 nəfər professorun qatıldığı konqresdə dermatoveneroloji xəstəliklərin müayinə və müalicəsində tətbiq olunan yeniliklər, innovasiyar barədə 40-a yaxın məruzələr dinlənilib. Konqres iştirakçıları tərəfindən mövzular ətrafında geniş müzakirələr aparılıb.
Tədbirin sonunda iştirakçılara 15DTT balı olan sertifikatlar təqdim edilib.