Bağırsaq sağlamlığını yaxşılaşdırmaq və ciddi infeksiyaların qarşısını almaq üçün nəzərdə tutulmuş nəcislə doldurulmuş həb, qaraciyər xəstəliklərinə qarşı sınaq müddətində İngiltərədəki 16 mərkəzdə 300 nəfərə verilməyə başlanıb.
Aztibb.az bu barədə medimagazin.com.tr-yə istinadla xəbər verir.
Vyanada keçirilən konfransda 32 nəfərin iştirak etdiyi araşdırmanın nəticələrini açıqlayan tədqiqatçılar, sirrozu inkişaf etmiş xəstələrin burunlarından keçən boru vasitəsilə mədələrinə "nəcis nəqli" edildiyini açıqlayıblar. Üç aydan sonra bağırsaqda faydalı bakteriyaların səviyyəsi artıb və bağırsaq maneəsi güclənib.
Tədqiqatçılar, həmçinin bildiriblər ki, könüllülərin qanlarında daha az ölümcül toksin ammonyak var. London Kral Kollecindəki eyni komanda sağlam könüllülərdən dondurulmuş qurudulmuş nəcisdən ibarət tablet hazırlayıb.
Elm adamları iki il ərzində hər üç ayda bir tablet qəbulunun xəstəxanaya yerləşdirmə sayını azalda biləcəyini öyrənmək üçün yeni beş illik araşdırmaya başlayırlar.
