Səudiyyə Ərəbistanının paytaxtı Ər-Riyadda 17 saatlıq uğurlu əməliyyat nəticəsində Misirli Selma və Sare adlı siam əkizləri ayrılıb.

AZtibb.az- medimagazin.com.tr-yə istinadla bildirir ki, Misir siam əkizləri kral Salman bin Əbdüləziz və vəliəhd şahzadə Məhəmməd bin Salmanın göstərişi ilə əməliyyat olunublar.

Siam əkizlərini ayırmaq üçün əməliyyatlarda olan tibbi və cərrahi qrupun rəhbəri Abdullah bin Əbdüləziz ər-Rabia əkizlərin ölkəyə 23 noyabr 2021-ci ildə gətirildiyini bildirib.

Əməliyyatda uşaq və plastik cərrahiyyə, anesteziya və digər əlaqəli bölmələrdən ibarət 31 mütəxəssisdən ibarət bir qrupun iştirak etdiyini bildirən Rabia cəmi 57 saat 4 mərhələdən ibarət olan əməliyyatın sonuncusunun 17 saat olduğunu qeyd edib.