TƏBİB-in tabeliyindəki Sumqayıt Tibb Mərkəzində (STM) tibbin müxtəlif sahələrini əhatə edən maarifləndirici seminarlar davam edir.

 

Aztibb.az-a STM-dən verilən xəbərə görə, növbəti seminarda Mərkəzi Klinikanın həkim-kardioloqu Oqtay Musayev “Arterial hipertenziyanın müalicəsində ürək vurğularına nəzarətin effektivliyi" mövzusunda təqdimatla çıxış edib. O, mövcud dünya protokollarını və öz təcrübəsində olan müalicə metodlarını iştirakçılarla bölüşüb.

 

Qarşılıqlı fikir mübadiləsi şəraitində keçən tədbirdə iştirakçıları maraqlandıran suallar cavablandırılıb.

 

Qeyd edək ki, seminarda STM-in kardioloqları, nevropatoloqları və terapevtləri iştirak ediblər.