TƏBİB-in tabeliyində olan Sumqayıt Tibb Mərkəzində (STM) "Şəkərli diabet. Müalicə üsulları, normativ qaydalar və xəstələrə fərdi yanaşma" mövzusunda seminar keçirilib.

 

STM-dən Aztibb.az-a bildirilib ki, Mərkəzin tabeliyində olan tibb müəssisələrinin endokrinoloq və terapevtlərin iştirak etdiyi seminarda Azərbaycan Respublikası Səhiyyə Nazirliyinin endokrinologiya üzrə baş ekspert -mütəxəssisi, Endokrinologiya üzrə Elmi Cəmiyyətin vitse-prezidenti Bəbək Salek sözügedən mövzuda təqdimatla çıxış edib.

 

Tədbirdə B.Salek şəkərli diabet xəstələrdə hipoqlikemiyanın aradan qaldırılması və müalicə üsüllarını nəzərdən keçirərək tövsiyyələrini verib, bu mövzuda öz təcrübəsini bölüşüb.

 

Qarşılıqlı fikir mübadiləsi şəraitində keçən seminarda iştirakçıları maraqlandıran suallar cavablandırılıb.