Mərkəzi Gömrük Hospitalının Urologiya şöbəsinin uzman uroloqu Samir Ağalarov Azərbaycan Respublikası Səhiyyə Nazirliyi, TƏBİB və Azərbaycan Uroloqlar Assosiasiyasının təşkilatçılığı ilə Qəbələ şəhərində keçirilən Azərbaycan Uro-Androloqların XX Simpoziumunda məruzəçi qismində iştirak edib.

 

Hospitaldan Aztibb.az-a bildirilib ki, Samir Ağalarov tədbirin “Çətin daş xəstələrinin müzakirəsi” panelində “Mikroskopik TESE əməliyyatının aparılma texnikası” mövzusunda təqdimatla çıxış edib.

 

Qeyd edək ki, simpoziumda prostatın xoş hiperplaziyasının konservativ müalicəsinin qarşılaşdırılması, çətin uşaq uroloji xəstəlikləri, mərcanvari nefrolitiazın cərrahi müalicəsi, patozoospermiyalar və embrionların implantasiya önü genetik diaqnostikası və digər mövzularda məruzələr edilib, mövzular ətrafında geniş müzakirələr aparılıb.

 

Tədbirin sonunda iştirakçılara sertifikatlar təqdim edilib.