Hazırda tibb müəssisəsində nevropatoloq, oftalmoloq, otorinolarinqoloq, dermatoloq, cərrah, stomatoloq, kardioloq, endokrinoloq, psixiatr, şüa-diaqnostikası üzrə həkim, MBT üzrə həkim, fizioterapevt, infeksionist və pediatrlarla yanaşı, loqoped-həkimin də fəaliyyət göstərdiyi bildirilib.

 

Uşaqlara göstərilən xidmətlərlə tanış olan Mərkəzin direktoru Prezident İlham Əliyevin hər zaman ölkəmizin səhiyyə sisteminin inkişafına böyük önəm verdiyini diqqətə çatdırıb.

 

10 nömrəli Uşaq Poliklinikasının timsalında tibb müəssisələrində həyata keçirilən struktur-kadr islahatları, tibb personalının peşəkarlığının artırılması, ilkin səhiyyə xidmətinin keyfiyyətinin daha da yüksəldilməsi barədə məlumat verən Elçin Əmirov qeyd edib ki, bütün bunlar dövlət siyasətinin bir parçası olmaqla yanaşı, tibb sahəsinin istər kadr potensialı, istərsə də texniki təchizatı baxımından atılan mütərəqqi addımlardan biridir.