Aztibb.az-ın "Həkimlərimizi tanıyaq!" rubrikasında insanlara sağlam və güvənli gülüş bəxş edən gənc həkim-stomatoloq Emil Şabanovu oxuculara təqdim edirik.

 

O, gənc təbibi kimi ilk fəaliyyətinə Bakı Baş Səhiyyə Mərkəzinin tabeliyindəki tibb müəssisələrindən birində başlayıb. Hazırda Mərkəzin tabeliyində fəaliyyət göstərən 9 nömrəli Uşaq Poliklinikasında həkim-stomatoloq vəzifəsində işləyir.

 

E.Şabanov 6 iyul 1998-ci ildə Zaqatala rayonunda doğulub. 2015-2021-ci illərdə Gürcüstan Dövlət Tibb Universitetinin Stomatologiya fakültəsində təhsil alıb.

 

Həkim 2019-cu ildə Azərbaycan Tibb Universitetinin təşkilatçılığı ilə estetik stomatologiyanın aktual məqamlarını özündə birləşdirən "A-dan Z-ə kimi bərpalar: mini invaziv yonulma və müasir adgeziya" adlı beynəlxalq seminarda, 2021-ci ildə “Stomatologiyada müasir innovasiyalar” adlı II beynəlxalq konfransda iştirak edib.