Aztibb.az-ın "Həkimlərimizi tanıyaq!" rubrikası peşəkar səhiyyə işçilərini tanıtmaqda davam edir.

Rubrikada bu dəfə Naxçıvan Muxtar Respublikası Onkoloji Mərkəzin Radiologiya şöbəsinin müdiri Əkbər Mehdiyevi oxuculara təqdim edirik.

Əkbər Mehdiyev 15 iyun 1948-ci ildə Babək rayon Məmmədrza Dizə kəndində anadan olub.1967-ci ildə Nəriman Nərimanov adına Azərbaycan Dövlət Tibb Universitetinə qəbul olub, 1973-cü ildə həmin universiteti bitirərək Naxçıvan Respublika Gigiyena və Epidemiologiya Mərkəzində həkim kimi fəaliyyətə başlayıb.

O, həmin ilin noyabr ayında və 1974-cü ilin fevral ayında Rusiyanın Stavropol şəhərində Xüsusi Təhlükəli İnfeksion xəstəlikləri üzrə kurs keçib. Azərbaycan Elmlər Akademiyasının Fiziologiya İnstitutunun Radio Biologiya Bölməsinə kiçik elmi işçi olaraq qəbul olunub.

Bu illər ərzində müxtəlif kursları yüksək nailiyyətlərlə bitirən Əkbər həkim 1986-cı ildən Naxçıvan Onkoloji Mərkəzində həkim kimi fəaliyyətini davam etdirir. O, hazırda Radiologiya şöbəsinin müdiri vəzifəsində çalışır.

Qeyd edək ki, Prezident İlham Əliyevin iyunun 16-da Azərbaycan Respublikasının səhiyyə işçilərinin təltif edilməsi haqqında Sərəncamına əsasən Əkbər Mehdiyev "Əməkdar həkim” fəxri adına layiq görülüb.