Azərbaycan Respublikası Dövlət Gömrük Komitəsi Tibbi Xidmət İdarəsinin rəisi Ceyhun Məmmədov, rəis müavini İsmayıl Əfəndiyev, Tibbi Xidmət İdarəsi Həkim Tibb komissiyasının sədri Sultan Hüseynov, Mərkəzi Gömrük Hospitalının Poliklinika şöbəsinin rəisi Tamilla Əliyeva və şöbə rəisləri 17 iyun Tibb İşçilərinin Peşə bayramı ərəfəsində Fəxri Xiyabana gələrək Ümummilli Lider Heydər Əliyevin məzarını ziyarət ediblər.

Mərkəzi Gömrük Hospitalından Aztibb.az-a bildirilib ki, Dövlət Gömrük Komitəsinin Tibbi Xidmət İdarəsinin əməkdaşları Ulu Öndərin məzarı önünə tər çiçəklər qoyub, onun xatirəsini ehtiramla yad ediblər.

Ümummilli Liderin ömür-gün yoldaşı, görkəmli oftalmoloq-alim, akademik Zərifə xanım Əliyevanın da xatirəsi anılıb, məzarı üzərinə gül dəstələri düzülüb.

Həmçinin görkəmli dövlət xadimi Əziz Əliyevin və tanınmış həkim-alim Tamerlan Əliyevin məzarları üzərinə gül dəstələri qoyulub.