Səhiyyə Nazirliyinin Kardiologiya İnstitutu tərəfindən “Müasir kardiologiya: Nailiyyətlər və innovativ yeniliklər” mövzusunda beynəlxalq elmi-praktik konqres öz işinə başlayıb.

İnstitutdan Aztibb.az-a bildirilib ki, “Heydər Əliyev İli" çərçivəsində Səhiyyə Nazirliyi tərəfindən silsilə tədbirlər davam etdirilir.

Konqres çərçivəsində Kardiologiya İnstitutunda EKQ kursu təşkil olunub. Ürək ritminin pozulması, ürəyin anatomik əsasları mövzularında məruzələr dinlənilib. Həmin gün Mərkəzi Klinikada isə “Kardiak anatomiya” kursu keçirilmişdir. Kursunun moderatorları prof. Kamran Musayev və Ramil Əliyevdir.

Tədbirdə ürəyin anatomik əsasları mövzusunda məruzələr dinlənilib və praktik məşğələ keçirilib.

Təlim kursları Səhiyyə Nazirliyinin Elmi Tibbi Şurası tərəfindən akkreditasiya olunub və DTT (CME) kredit balları ilə qiymətləndirilib.

Sonda iştirakçılara sertifikatlar təqdim olunub.

Konqres çərçivəsində “Kardiak anatomiya”, “EKQ”, “EXO KQ” və “CPR” kursları keçirilib.