Aztibb.az-ın "Həkimlərimizi tanıyaq!" rubrikasının növbəti qonağı peşəkar həkim cərrah Məsləhət Quliyevdir.
Məsləhət Qulam oğlu Quliyev 1955-ci ildə Lənkəran rayonu Mamusta kəndində anadan olub. 1971-1977-ci illərdə N.Nərimanov adına Azərbaycan Tibb İnistitutunun Müalicə-profilaktika fakültəsində ali təhsil alıb.
O, 1977-1983-cü illərdə Sabirabad Rayon Mərkəzi Xəstəxanasında həkim cərrah kimi fəaliyyət göstərib. 1983-1989-cu illərdə Lənkəran rayon Nərimanabad xətt xəstəxanasında, 1989-2006-cı illərdə Lənkəran Rayon Mərkəzi Xəstəxanasında həkim-cərrah işləyib. 2006-cı ildən 2021-ci ilədək Lənkəran Müalicə Diaqnostika Mərkəzində həkim cərrah çalışıb, Cərrahiyyə şöbəsinin müdiri vəzifəsini icra edib. 2022-ci ildən yeni yaradılmış Lənkəran Regional Perinatal Mərkəzin Cərrahiyyə şöbəsinin müdiri vəzifəsində çalışır.
