TƏBİB-in tabeliyində fəaliyyət göstərən Qusar RMX-da orta tibb işçilərinə Təməl və Təkmil həyat dəstəyi təlimləri keçirilir.

Xəstəxanadan Aztibb.az-a bildirilib ki, İSX xidmətləri üzrə orta tibb personalının praktiki vərdişlərinin təkmilləşdirilməsi, peşə hazırlığının yüksəldilməsi üzrə təlimlər təşkil olunub.

Təlimçi TYB-nin bölmə müdiri Raif Həsənovun iştirakı ilə keçirilən təlimlərdə KHM, KTM və ASM-dən olan orta tibb işçiləri iştirak edirlər.

Təməl həyat dəstəyi (BLS) – Sadə tibbi ləvazimatlar istisna olmaqla, tibbi cihaz və invaziv müdaxilə tətbiq etmədən nəfəs yolu keçiriciliyinin təmin edilməsi, tənəffüs və qan dövranının dəstəklənməsidir.

Təkmil həyat dəstəyi (ALS) – Təməl həyat dəstəyi göstərildikdən sonra təcili olaraq, monitorizasiya və invaziv müdaxilələrin (endotrxial intubasiya, intravenoz müdaxilə və s.) tətbiqi ilə kardiovaskulyar qiymətləndirməni və medikamentoz müalicəni ehtiva edən tədbirlər kompleksidir.

Qeyd edək ki, Qusar RMX-nın Terapiya, Cərrahiyyə, ASM, A və R şöbələrində mütəmadi olaraq bu cür maarifləndirici təlimlərin təşkil olunması planlaşdırılır.