Azərbaycan Tibb Universitetinin (ATU) rektoru, prof. Gəray Gəraybəyli Almaniyanın Heydelberq Univerisitetinin Mannheim Tibb fakültəsininin diplomdan öncəki tibb təhsilinin aparıcı elementlərindən olan və Thesima adlandırılan "Bacarıqlar Laboratoriyası"nı ziyarət edib.
Aztibb.az-ın xəbərinə görə, o, "Obyektiv Strukturlaşdırılmış Klinik Müayinə" (OSCE-Objective Structured Clinical Examination) imtahan sistemi ilə tanış olub.
Görüşdə 2024-2027-ci illər ərzində institutlararası əməkdaşlıq yolları müzakirə edilib.
Professor Gəray Gəraybəyli, eyni zamanda, fakültənin müasir kitabxana sistemi ilə tanış olub.
Görüşdə ATU-nun Ortopedik stomatologiya kafedrasının müdiri, professor Nazim Pənahov və Beynəlxalq əlaqələr üzrə prorektoru Orxan İsayev də iştirak ediblər.
