İcbari Tibbi Sığorta üzrə Dövlət Agentliyinin Şirvan regional filialının rəhbəri Ramin Hacıyev tərəfindən iştirakçılara icbari tibbi sığorta sistemi, icbari tibbi sığorta haqları, Xidmətlər Zərfi ilə təminat verilən tibbi xidmətlər, eləcə də TƏBİB-in tabeliyindəki dövlət tibb müəssisələri haqqında ətraflı məlumat verilib. Bununla yanaşı, vətəndaşlara dövlət tibb müəssisələrində və Agentliyin müqavilə bağladığı özəl tibb müəssisələrində icbari tibbi sığortadan istifadə qaydaları izah olunub.

 

Sonra Şirvan Şəhər Mərkəzi Xəstəxanasının direktoru Kamil Əhmədov çıxış edərək icbari tibbi sığorta sisteminin mahiyyəti, əhali qrupları üzrə sığortahaqları, sığortaolunanların, eləcə də sığortalıların hüquq və vəzifələri barədə danışıb. Qeyd edib ki, sığortaolunanlar sığorta hadisəsi baş verdikdə Xidmətlər Zərfinin baza və ya əlavə hissələrinə uyğun olaraq tibbi xidmətlərdən istifadə etmək hüququna malikdirlər.

 

Sonda tədbir iştirakçılarının sualları cavablandırılıb.