Sumqayıt Tibb Mərkəzinin (STM) nəzdindəki Perinatal Mərkəzin həkim-ginekoloqu Fidan Cabbarlı Sumqayıt Qadın Resurs Mərkəzində keçirilən təlimdə təqdimatla çıxış edib.

 

Bu barədə Aztibb.az-a STM-dən bildirilib. 

 

Ailə, Qadın və Uşaq Problemlərinə dair Dövlət Komitəsinin dəstəyi ilə keçirilən təlimdə F.Cabbarlı reproduktiv sağlamlıqdan danışıb, iştirakçılara bu sahədə həyata keçirilən tədbirlərdən bəhs edib.

 

O, reproduktiv sağlamlığın əsas aspektlərindən olan ailə planlaşdırılması, o cümlədən abortların qadın sağlamlığına mənfi təsirindən söz açıb, cinsi yolla yoluxan infeksiyalarla bağlı mübarizə metodları haqda məlumat verib.