İcbari Tibbi Sığorta üzrə Dövlət Agentliyinin Tibbi planlama departamentinin rəhbəri Hikmət İbrahimli və departamentin əməkdaşı, hematoloq Mehparə Kazımova “Qanın laxtalanma pozğunluğundan əziyyət çəkən pasiyentlərin advokasiyasına” dair konfransa qatılıblar.
Bu barədə Aztibb.az-a Agentlikdən məlumat verilib.
Hemofiliyalı Xəstələrin Respublika Assosiasiyasının təşkil etdiyi tədbiri təşkilatın rəhbəri Ayaz Hüseynov açıq elan edib.
Daha sonra iştirakçılarını salamlayan H.İbrahimli qanın laxtalanma pozğunluğundan əziyyət çəkən bütün pasiyentlərinin məlumatlarının yenilənməsinin vacib olduğunu bildirib.
Konfransda çıxış edən M.Kazımova İcbari Tibbi Sığorta üzrə Dövlət Agentliyinin hemofiliya xəstəliyi ilə mübarizə sahəsində gördüyü işlər barədə statistik məlumatlar təqdim edib.
Tədbirdə səhiyyə nazirinin müavini Nadir Zeynalov, TƏBİB-in Xüsusi profilli tibbi yardım şöbəsinin müdiri Vüsal Yusifov, Dünya Hemofiliya Federasiyasının prezidenti Sezar Qarrido, Federasiyasının proqramlar üzrə direktoru Salome Merxuzla və Respublika Kilini Xəstəxanasının direktoru Elviz Qasımovun mövzu ilə bağlı çıxışları maraqla qarşılanıb.
