Bu barədə Aztibb.az-a STM-dən xəbər verilib.

 

Kardioloqların, o cümlədən digər ixtisas həkimlərinin qatıldığı seminarda xəstəxananın Kardiologiya şöbəsinin müdiri Cabir Məcidov “Ekstrasistoliya: əlamətləri, diaqnozu və onunla mübarizə üsulları” mövzusunda məruzə ilə çıxış edib.

 

C.Məcidov bildirib ki, ekstrasistoliya ürəyin ritm pozulmalarından ən çox rast gəlinən patologiyalarında olub, ürək əzələsinin heterotrop oyanması və vaxtından əvvəl yığılması ilə xarakterizə olunur.

Qeyd olunub ki, statistikaya görə təqribən hər 10 xəstədən 6-da müşahidə edilir. 50 yaşından sonra ekstrasistoliyanın rastgəlmə tezliyi 90 faizə çatır.

 

Vurğulanıb ki, sağlam ürəyin də sutka ərzində növbədən kənar döyünməsi mümkündür. Buna adətən stress, tütündən istifadə, spirtli içkilər, tünd çay və ya qəhvə qəbulu səbəb ola bilər.

 

Bildirilib ki, ürəyin ritm pozulmaları arasında ən çox rast gəlinən ekstrasistoliya, ürək əzələsinin heterotrop oyanması və vaxtından əvvəl yığılması ilə xarakterizə olunur.

 

O, ekstrasistoliyanın əlamətlərindən, eləcə də müasir müalicə üsullarından geniş bəhs edib.

 

Qarşılıqlı fikir mübadiləsi şəraitində keçən seminarda iştirakçıları maraqlandıran suallar cavablandırılıb.