Səhiyyə Nazirliyinin İctimai Səhiyyə və İslahatlar Mərkəzi (İSİM) və Ailə, Qadın və Uşaq Problemləri üzrə Dövlət Komitəsinin birgə əməkdaşlığı ilə 159 nömrəli tam orta məktəbdə sağlam həyat tərzi, sağlam qidalanmanın və fiziki aktivliyin əhəmiyyəti, zərərli vərdişlərin orqanizmə mənfi təsirlərinə dair maarifləndirici tədbir keçirilib.

 

İSİM-dən Aztibb.az-a verilən xəbərə görə, tədbirdə Mərkəzin Layihələrin əlaqələndirilməsi şöbəsinin müdir müavini Ülkər Camalova zərərli vərdişlərin insan sağlamlığına mənfi təsiri barədə məlumat verib. Gənc nəslə sağlam həyat tərzi sürmək, gələcəyini məhv edən vərdişlərdən uzaq olmaq tövsiyə olunub.

 

Daha sonra Ailə, Qadın və Uşaq Problemləri üzrə Dövlət Komitəsinin əməkdaşı Nailə İbrahimova çıxış edərək erkən yaşlardan başlayaraq sağlamlığın qayğısına qalmağın əhəmiyyətindən danışıb. O, sağlam həyat tərzi seçərək bir çox xəstəliklərdən qorunmağın mümkün olduğunu vurğulayıb.

 

Yekunda iştirakçıların sualları cavablandırılıb və onlara maarifləndirici materiallar paylanılıb.