Oğuzda uşaqların icbari dipanserizasiyası həyata keçirilib  
01.06.2023 16:12

Uşaqların Beynəlxalq Müdafiəsi Günü münasibətilə Oğuz Rayon Mərkəzi Xəstəxanasının müalicə işləri üzrə müavini, baş həkim Şəlalə Tahirova, İlkin Səhiyyə Xidmətinin rəhbəri Nəzakət Qədirova və həkim briqadası əvvəlcə Oğuz rayon Bucaq kənd körpələr evi-uşaq bağçasında, daha sonra isə kənddəki tam orta məktəbdə uşaqların icbari dipanserizasiyasını həyata keçiriblər.

 

Oğuz Rayon Mərkəzi Xəstəxanasından Aztibb.az-a bildirilib ki, məqsəd uşaqlarda əlilliyin qarşısının alınması, sağlamlığının qorunması, normal fiziki inkişafın təmin edilməsi və xəstəliyin ilkin mərhələdə aşkar edilməsidir.

 

Dispanserizasiyadan keçirilən uşaqlar arasında erkən aşkarlanan bəzi xəstəliklərin vaxtında müalicəsi üçün şagirdlər daha dəqiq tibbi müayinələr üüçün Oğuz Rayon Mərkəzi Xəstəxanasına ediliblər.

 

Müvafiq dövlət proqramına əsasən il ərzində mütəmadi olaraq mərkəz və kəndlərdə yerləşən məktəblərdə uşaqların icbari dispanserizasiyası davam etdiriləcəkdir.

ÇOX OXUNANLAR