Gəncə Şəhər Birləşmiş Xəstəxanası (GŞBX) “Heydər Əliyev ili” çərçivəsində 1 İyun - Uşaqların Beynəlxalq Müdafiəsi Günü münasibətilə Uşaq xəstəxanasında sünnət aksiyası təşkil edib.

 

Aztibb.az-a GŞBX-dan bildirilib ki, “Uşaqların sağlam gələcəyi bizim üçün dəyərlidir!” devizi altında baş tutan tibbi aksiyaya xəstəxanasının peşəkar cərrahları Rahət Hüseynli, Leyla Əhmədova, Şükrəddin Qasımov, pediatrlar və tibb bacıları cəlb ediliblər.

 

İlk olaraq uşaqlar müayinə olunub, sonra onlardan qan analizi götürülüb. Daha sonra sünnət prosesi baş tutub. Aksiyada iştirak edən uşaqlar sırasında şəhid, qazi ailələrinin övladları da var. Aksiyada 20-yə yaxın uşaq sünnət olunub və əməliyyatların hər biri uğurla həyata keçirilib.