Respublika Klinik Xəstəxanasında Ümumdünya Dağınıq Skleroz Gününə həsr olunan konfrans keçirilib
31.05.2023 16:58
Akademik M.Ə.Mirqasımov adına Respublika Klinik Xəstəxanasında Ümumdünya Dağınıq Skleroz Gününə həsr olunan elmi-praktik konfrans keçirilib.
 
Xəstəxanadan Aztibb.az-a bildirilib ki, tədbiri Respublika Klinik Xəstəxanasının direktoru Elviz Qasımov Ümumdünya Dağınıq Skleroz Gününün beynəlxalq aləmdə qeyd olunmasının önəmini vurğulayıb. Bildirilib ki,Ümumdünya Dağınıq Skleroz Günü həmin problemlə məşğul olan Dağınıq Skleroz Cəmiyyətinin Ümumdünya Federasiyası tərəfindən təsis edilib. Statistik məlumatlara əsasən, dünya üzrə dağınıq sklerozdan əziyyət çəkən xəstələrin sayı təxminən 2,8 milyon nəfərdir.
 
Diqqətə çatdırılıb ki, Azərbaycanda dağınıq skleroz səhiyyənin aktual məsələlərindən biridir. 2018-ci il fevralın 28-də Azərbaycan Respublikası Prezidenti cənab İlham Əliyevin imzaladığı Sərəncamla “Dağınıq skleroz xəstəliyinin müalicəsi, profilaktikası və onunla mübarizə tədbirlərinə dair 2018-2022-ci illər üçün Dövlət Proqramı” təsdiq edilib. Dövlət tibb müəssisələrində müayinə və müalicənin həcminin, keyfiyyətinin artırılmasına, onların inyeksiya vasitələri və dərman preparatları, o cümlədən daha səmərəli preparatlarla təminatının yaxşılaşdırılması üçün lazımi şərait yaradılıb.
 
Daha sonra konfransda TƏBİB-in İxtisaslı tibbi yardım departamentinin rəhbəri Teymur Mirzəbəyli çıxış edərək bildirib ki, dünyada dağınıq skleroz xəstəliyinin sübutlu profilaktika tədbirləri işlənib hazırlanmayıb. Lakin dağınıq skleroz xəstəliyində insanın immun sisteminin qeyri-normal fəaliyyətinin əsas rol oynadığını nəzərə alsaq, bu sistemi zədələyən faktorları qeyd etmək vacibdir: siqaret və alkoqoldan uzaq olmaq, normal müddətli və keyfiyyətli yuxu, bizi daim sıxan psixi stress faktorlarına uyğunlaşmağa çalışmaq, doğulduğun və böyüdüyün ərazi və iqlimdə yaşamaq, mülayim dərəcəli fiziki aktivliyi təmin etmək.
 
Tədbirdə çıxış edən Əziz Əliyev adına Azərbaycan Dövlət Həkimləri Təkmilləşdirmə İnstitutunun Nevrologiya və Klinik Neyrofiziologiya Kafedrasının müdiri, professor Rəna Şirəliyeva qeyd edib ki, dağınıq skleroz baş-beyni, görmə sinirlərini, onurğa beynini zədələyən xəstəlikdir və orqanizmdə müvafiq funksiyaların pozulmasına səbəb olur. Onun sözlərinə görə, dağınıq skleroz, əsasən, gənc yaşlarda başlayan, proqressivləşən və nəhayət, müalicə edilməzsə, ağır əlilliyə səbəb ola bilən sinir xəstəliyidir. Bu xəstəliyin ən xoşagəlməz xüsusiyyəti insanın cavan yaşlarında ciddi əlilliyinə səbəb olmasıdır.
 
Konfrans daha sonra Respublika Klinik Xəstəxanasının Sinir xəstəlikləri şöbəsinin müdiri Aytən Hüseynovanın, şöbənin həkim-nevroloqları Nuray Həmidova, Nərmin Abdullayeva, Günel Əsədova və Nərgiz Məcidzadənin məruzələri ilə davam edib.
 
ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Şahdamara stend taxıla bilərmi?
Uzman həkim Şiraslan Baxşəliyev Gəncə Beynəlxalq Xəstəxanasında pasiyentləri qəbul edəcək
Qaradağ Tibb Mərkəzində daha bir uğurlu əməliyyat icra olunub
Böyrək daşı xəstəliyi nədir və necə yaranır?
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Sürətli döyüntünün tək səbəbi ürək deyil!
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Naftalan Şəhər Mərkəzi Xəstəxanasının nevroloqu Təranə Bayramova - Həkimlərimizi tanıyaq!