Oğuz rayon Tərkeş kənd sakini Nargilə Əzizova 38 yaşında Respublika Perinatal Mərkəzində, hamiləliyin 28-ci həftəsində kəskin bətndaxili hipoksiya, dölün bətndaxili inkişaf ləngiməsi, uşaqlıq üzərində çapıq, sağrı gəlişi, talassemiya daşıyıcısı diaqnozu ilə körpə dünyaya gətirib.

 

Oğuz Rayon Mərkəzi Xəstəxanasından Aztibb.az-a bildirilib ki, qeysəriyyə kəsiyi əməliyyatı ilə 845 qram, boyu 33 sm olan oğlan uşağı yenidoğulmuşların Reanimasiya şöbəsində, sonra isə Patologiya şöbəsində müalicə alıb.

 

Mayın 18-də körpə kafi vəziyyətdə 79-cu günündə evə yola salınıb. Yola salınarkən çəkisi 1450 qr olub. Körpə mütəmadi olaraq Oğuz Rayon Mərkəzi Xəstəxanasının pediatrları tərəfindən daimi nəzarətdədir.

 

Qeyd edək ki, Nargilə Əzizovanın 3 qızı var. Onlardan ikisi talassemiya xəstəsi, biri isə daşıyıcısıdır.