Malatya Universitetinin Qaraciyər transplantasiya şöbəsinin rəhbəri, professor Sezai Yılmaz Azərbaycan Tibb Universitetinin (ATU) “Qonaq professoru” (Visiting professor) adına layiq görülüb.

Bu barədə Aztibb.az-a ATU-dan xəbər verilib.

ATU rektoru, professor Gəray Gəraybəyli “Qonaq professor” sertifikatını Sezai Yılmaza təqdim edib. Rektor uğurlu əməkdaşlıq üçün türkiyəli professora təşəkkür edib.

Qeyd edək ki, ATU-nun Elmi Şurasının qərarına əsasən, universitetdə 2018-ci ildən etibarən “Qonaq professor” vəzifəsi təsis edilib. Hazırda 7 fərqli universitetlərin nümayəndələri ATU-nun “Qonaq professor"larıdır. Bu titula layiq görülən mütəxəssislər məhdud zaman müddətində universitetin müxtəlif fakültələrində dərs demək üçün dəvət olunurlar.