ABŞ-ın El Pasodakı Texas Universitetinin (UTEP) tədqiqatçıları beyində qan şəkərinin dəyişməsi səbəbindən aktivləşən bölgələrin xəritəsini tərtib ediblər.

Aztibb.az-ın medimagazin.com.tr-yə istinadla xəbərinə görə, UTEP-in Biologiya Elmləri departamentinin dosenti Ərşad Xanın rəhbərlik etdiyi tədqiqatçılar qrupu diabet xəstələri ilə yaxından əlaqəli olan yeni bir araşdırmaya imza atıblar.

Tədqiqat nəticəsində beyindəki qlükozanın həssas hüceyrə populyasiyası və bu strukturların beyindəki yeri haqqında məlumat əldə edilib.

Ə.Xan tapıntıların qlobal beyin xəritəsi və diabet xəstələrinin qan şəkərinə hüceyrə reaksiyalarının qiymətləndirilməsi istiqamətində mühüm addım olduğunu bildirib.

Araşdırmanın nəticələri “Journal of Clinical Medicine”-də dərc olunub.