Liv Bona Dea Hospitalının həkimi, tanınmış ürək-damar cərrahiyyə uzmanı Cabir Gülmalıyev Aztibb.az-a ürək-damar tıxanıqlığının ilkin əlamətlərini sadalayıb:

tam döş sümüyünün arxasında ağrı

hər iki qola, kürəyə, əllərə yayılan ağrı

aktiv hərəkət zamanı təngnəfəslik

səbəbsiz yorğunluq, halsızlıq

diqqətin və yaddaşın zəifləməsi

 

Onun sözlərinə görə, ürək-damar tıxanmaları zamanı ən təhlükəli məqam ilk başlarda patologiyanın simptomsuz irəliləməsidir.Xəstənin heç bir şikayəti olmur, heç bir əlamət vermir və xəstəlik təsadüfən aşkar olunur. Bu səbəbdən hər kəs (xüsusən də kişilərə) ildə 1-2 dəfə ürək müayinəsindən keçib, vaxtında damarların vəziyyətini yoxlatdırmaları tövsiyə olunur.

 

Cabir Gülmalıyev qeyd edib ki, əgər tıxanan damarların sayı artarsa, cərrahi müdaxilə qaçılınmaz hala gəlir. Unutmayın, tıxanan və daralan damarlar həyati risk daşıyır.