Tərtər rayon kəndlərində yerləşən həkim məntəqələrində çalışan tibb işçiləri tərəfindən orta məktəblərdə uşaqlar arasında profilaktik peyvəndləmə ilə bağlı maarifləndirici söhbətlər aparılıb.

 

Tərtər Rayon Mərkəzi Xəstəxanasından Aztibb.az-a bildirilib ki, toplantıda yoluxucu xəstəliklərə qarşı uşaqlar arasında profilaktik peyvəndləmənin yaşa və plana uyğun olaraq icra edilməsi müzakirə olunub.

 

Tədbir Hacıqərvənd və Mamırlı kəndlərində yerləşən orta məktəb və uşaq baxçasında keçirilib. Uşaqlara dispanserizasiyaya cəlb edilmənin müsbət tərəfləri və bunun uşağın inkişafına təsirləri barədə məlumat verilib.

 

Tədbirdə uşaqlarla birgə valideynlər də iştirak edib.

 

Sonda iştirakçıları maraqlandıran suallara aydınlıq gətirilib.