Elmi-Tədqiqat Tibbi Bərpa İnstitutunun baş həkimi Türkiyədə beynəlxalq konqresdə iştirak edib
25.05.2023 10:34
19-21 may 2023- cü il tarixlərində Türkiyənin Bodrum şəhərində "Girişimsel FTR və Bölgesel ağrılar" adlı beynəlxalq elmi-praktik konqres keçirilib. Sözügedən konqresdə Azərbaycan nümayəndəsi tərkibində Səhiyyə Nazirliyi Elmi-Tədqiqat Tibbi Bərpa İnstitutunun baş həkimi Rəhimə Məmmədova da iştirak edib.
 
İnstitutdan Aztibb.az-a bildirilib ki, hər il ənənəvi olaraq keçirilən konqresin əsas məqsədi fizioterapiya sahəsində müasir müalicənin yeni üsullarının praktik olaraq öyrənilməsi olub.
 
Mövzu ətrafında müzakirələr aparılıb. Müzakirələrin bir hissəsində bu sahənin professorlarının xəstə qrupları üzərindən olan praktikalarından və son 1 ilin Amerika protokolları üzərindən müalicə üsullarından bəhs edilib.