Azərbaycan Qida Təhlükəsizliyi İnstitutu (AQTİ) elektronçu-mühəndis vəzifəsi üzrə peşəkar kadrları işə dəvət edir.

Aztibb.az-a AQTİ-dən verilən məlumata görə, işə qəbul olmaq istəyən şəxslər fizika, kimya mühəndisliyi və elektronika-avtomatika və ya bu sahələrə yaxın ixtisaslar üzrə ali təhsilə, kompüter, eləcə də təmir xidmətinin təşkili və həyata keçirilməsi qaydaları üzrə biliklərə, həmçinin elektron qurğu və avadanlıqlar üzrə təmir cihazları ilə işləmə və elektrik çertyojları ilə sxemlərini oxuma bacarıqlarına malik olmalıdırlar. Eyni zamanda, onlar avadanlıqların işləmə rejimlərini və texniki istismarı qaydalarını bilməlidirlər. İşə qəbul üçün müraciət edən namizədlərdən kimya, eləcə də rus və ingilis dilləri üzrə bilikləri olanlara üstünlük veriləcək.

Namizədlər özləri barədə məlumatlara dair anket formasını (CV) mövzu yerinə "Elektronçu-mühəndis” yazaraq hr.aqti@afsa.gov.az elektron poçt ünvanına göndərə bilərlər.