Aztibb.az xəbər verir ki, Sona İbrahim qızı Vəlixan 1883-cü ildə Qazaxda anadan olub. 1908-ci ildə Peterburq Tibb İnstitutunu bitirib. 1923-1939-cu illərdə Azərbaycan Tibb İnstitutunun Göz xəstəlikləri kafedrasında assistent, dosent və professor vəzifələrində çalışıb. 1939-1971-ci illərdə Əziz Əliyev adına Azərbaycan Dövlət Həkimləri Təkmilləşdirmə İnstitutunun Göz xəstəlikləri kafedrasının müdiri işləyib. 1946-1960-cı illərdə S.Vəlixan Azərbaycan Elmi-Tədqiqat Oftalmologiya İnstitutunun elmi işlər üzrə direktor müavini kimi elmi fəaliyyətini davam etdirib. 

 

O, 60-dan artıq elmi əsərin, o cümlədən 2 monoqrafiyanın müəllifidir. Alimin rəhbərliyi altında 3 doktorluq və 18 namizədlik dissertasiyası müdafiə edilib.

 

Alimin nailiyyətləri dünyanın bir çox elmi qurumları tərəfindən maraqla qarşılanıb, beynəlxalq təşkilatlar onun elmi yaradıcılığını yüksək qiymətləndiriblər. Sona xanım Vəlixanın “Endoftalmitin patoloji anatomiyasına dair” məqaləsi Nobel Komitəsinin diqqətini cəlb edib və professorun mükafata namizədliyi qeydiyyata alınıb. Məlum olduğu kimi, II Dünya müharibəsi zamanı Nobel Komitəsinin fəaliyyətində yaranan durğunluq nəticəsində Sona Vəlixanın elmi işi Nobel Mükafatına layiq görülməkdən məhrum olub.

 

Professor Sona Vəlixan Moskva və Vyana Universitetinin Tibb fakültəsində təhsil almış ilk azərbaycanlı həkim-psixiatr olub. O, Əməkdar elm xadimi fəxri adına layiq görülüb, bir sıra orden və medallarla təltif olunub.

 

Alim 1982-ci ildə 99 yaşında vəfat edib.