Azərbaycan Respublikası Səhiyyə Nazirliyinin Elmi-Tədqiqat Tibbi Bərpa İnstitutunda Təşkilati-metodik şöbənin təşkilatçılığı ilə növbəti seminar keçirilib.

İnstitutdan Aztibb.az-a bildirilib ki, tədbirdə Kurort ehtiyatlarının öyrənilməsi şöbəsinin kiçik elmi işçisi Ülkər Şabanova məruzə edib.

Ü.Şabanova "Masallı rayonu ərazisində çıxan təbii mineral sular" adlı məruzə ilə çıxış edərək Masallı rayonundakı yüksək termal suları ilə məhşur olan "Qotursuyu", "Donuzötən", "Ərkivan" bulaqlarının müalicəvi əhəmiyyətindən danışıb.

Seminarda elmi işçilər, elmi şöbələrin rəhbərləri, laboratoriyanın əməkdaşları iştirak ediblər.

Sonda müzakirələr aparılıb və mövzuya dair suallar cavablandırılıb.