Məhəmmədemin Baba oğlu Yunusov 25 noyabr 1957-ci ildə Kürdəmir rayonun Atakişili kəndində anadan olub. 1976-cı ildə N.Nərimanov adına Azərbaycan Dövlət Tibb İnstitutunun Müalicə-profilaktika fakültəsinə daxil olub, 1982-ci ildə həmin institutu əla qiymətlərlə bitirib, Kliniki Tibbi Mərkəzdə ordinator işləyib.

O, 1984-cü ildən Kürdəmir Rayon Mərkəzi Xəstəxanasında həkim-cərrah vəzifəsində işləyir.

1989-1994-cü illərdə Qarabağ müharibəsində cəbhənin müxtəlif döyüş bölgələrində cərrah kimi fəaliyyət göstərən Məhəmmədemin həkim çoxlu sayda yaralılara tibbi yardım göstərib. O, 1 saylı Ağdam hərbi səhra hospitalında, Tərtərin Burunc kəndində yerləşən müvəqqəti hərbi hospitalda, Bərdə RMX-da, Beyləqan RMX-da, 1992-ci ildə Marquşevan döyüşlərində, 1989-cu ilin sentaybr ayında Hadrutun mühasirə şəraitində olan Tuğ kəndinə tibbi yardım və müdafiə xarakterli ləvazimatların göndərilməsində iştirak edib. 

Məhəmmədemin Yunusov 2020-ci ildə Əməkdar həkim fəxri adına layiq görülüb.