Mayın 27-də Bakıda VI beynəlxalq, II Xəzəryanı dövlətlərin, IV türk dilli xalqların Bariatrik Cərrahiyyə və Metabolik Xəstəliklər Konqresi keçiriləcək.

 

Bu barədə Aztibb.az-a Azərbaycan Tibb Universitetindən məlumat verilib.

 

Ümummilli Lider Heydər Əliyevin 100 illik yubileyinə həsr olunmuş bu mötəbər tədbir çərçivəsində, həmçinin Oxford Universitetinin 52-ci "International Bariatric Club" simpoziumu da baş tutacaq. 500-dən artıq iştirakçısı olan konqresdə 65 elmi məruzə ediləcək.

 

Tədbirə AR Səhiyyə Nazirliyi tərəfindən 17 DTT balı verilib, İFSO (International Federation for the Surgery of Obesity and Metabolic Disorders) və Oxford Universitetinin nəzdindəki IBC (International Bariatric Club) tərəfindən təsdiqlənib.

 

İştirak etmək istəyənlər bu link vasitəsilə qeydiyyatdan keçə bilər: https://bariatriya.az/

 

Ünvan: Bakı Marriott Boulevard Hotel