“Təmas” Regional İnkişaf İctimai Birliyinin 40-a yaxın üzvü tibbi müayinədən keçib 
17.05.2023 09:51
TƏBİB-in tabeliyində fəaliyyət göstərən Gəncə Şəhər Birləşmiş Xəstəxanası (ŞBX) Ulu Öndər Heydər Əliyevin 100 illiyi münasibətilə “Təmas” Regional İnkişaf İctimai Birliyində (İB) tibbi müayinə aksiyası təşkil edib.
 
Xəstəxanadan Aztibb.az-a bildirilib ki, gender əsaslı zorakılıq qurbanlarına dəstək göstərən təşkilatın təxminən 40-a yaxın üzvü tibbi müayinədən keçib. Müayinəyə kardioloq, ginekoloq, nevroloq, terapevt, oftalmoloq, pediatr, radioloq, laborator analizlərin götürülməsi üçün həkim və tibbi bacıları cəlb ediliblər.
 
Gəncə şəhər Səhiyyə İşçiləri Həmkarlar İttifaqı Şurası İB-nin üzvləri üçün ərzaq yardımı da aparıb.
 
Qeyd edək ki, bu cür tibbi müayinə aksiyaları növbəti günlərdə də davam edəcək.
Səadət Məmmədova
Müəllifin digər yazıları