ABŞ Qida və Dərman İdarəsi (FDA) menopoz zamanı istilik hallarını aradan qaldırmağa yönəlmiş ilk hormonal olmayan dərmanı təsdiqləyib.

Bu barədə Aztibb.az medimagazin.com.tr-yə istinadən xəbər verir.

Tərkib hissəsi fezolinant olan yeni dərman neyrokinin 3 (NK3) reseptor antaqonistidir. "O, beynin bədən istiliyinin tənzimlənməsində rol oynayan NK3 reseptorunun fəaliyyətini bloklayaraq işləyir" - deyə FDA məlumat yayıb.

FDA-nın məlumatına görə, menopauzada olan qadınların 80 faizindən çoxu adətən bir neçə dəqiqə davam edən tərləmə, qızartı və üşütmə ilə müşayiət olunan ani, zəiflədici istilik halları yaşayır. Estrogen əsaslı hormon əvəzedici terapiya uzun müddət bu simptomları aradan qaldırmaq üçün istifadə ediləcək. Lakin dərmanın uzun müddətli istifadəsi döş xərçəngi və insult riskinin artması ilə əlaqələndirilir. 

FDA təsdiqini orta yaşı 54 olan qadınları əhatə edən iki faza 3 klinik sınaqların nəticələrinə əsaslandırıb. Qadınlar əvvəlcə 12 həftə ərzində ya Fezolinetant, ya da plasebo qəbul ediblər. Daha sonra bütün qadınlara təhlükəsizliyi qiymətləndirmək üçün əlavə 40 həftə ərzində Fezolinetant verilib.