ABŞ-da alimlər aşkar ediblər ki, DNT nümunələri insanın çimdiyi sudan, nəfəsindən, hətta çimərlikdəki ayaq izindən də toplana bilər.

Aztibb.az-ın medimagazin.com.tr-yə istinadla xəbərinə görə, Florida Universitetindən bir qrup tədqiqatçı insanın DNT-si haqqında məlumatı artıq çimərlikdə qalan ayaq izlərindən, otaqda tənəffüs edilən havadan və ya okeanda üzərkən qalan tüpürcək kimi tullantılardan aşkar edə biləcəyini ortaya qoyan bir kəşf edib.

Tədqiqat çərçivəsində 6 nəfərin çalışdığı 280 kvadratmetrlik heyvan klinikasından götürülən hava nümunələrinin tədqiqində işçi heyətin və heyvanların DNT-lərinin aşkar edilərək uyğunlaşdırıla bildiyi müşahidə edilib.

Araşdırmanın nəticələri "Nature Ecology & Evolution" elmi jurnalında dərc edilib.

Tədqiqat hesabatında deyilir: "Tüpürcək, dəri, tər və qan vasitəsilə ətraf mühitə daxil olan insan DNT-si itkin düşmüş şəxslərin tapılması və cinayətlərin açılması, arxeoloji əhəmiyyət kəsb edən ərazilərin müəyyən edilməsi və sağlamlığın monitorinqi üçün məhkəmə araşdırmalarına kömək etmək üçün istifadə oluna bilər".