STM-dən Aztibb.az-a verilən məlumata görə, tədbir Sumqayıt Şəhər İcra Hakimiyyətinin və Sumqayıt Tibb Mərkəzinin təşkilatçılığı ilə baş tutub.

 

Tədbiri giriş sözü ilə açan STM-in direktor müavini Maisə İsmayılova açaraq Beynəlxalq Ailə Gününün yaranması və bu günün ölkəmizdə qeyd olunmasından söz açıb. M.ismayılova qeyd edib ki, Azərbaycan cəmiyyətində ailə hər zaman müqəddəs sayılıb.

 

STM-in direktor müavini Arzu Bəndəliyeva isə çıxışında bildirib ki, ölkəmizdə ailə cəmiyyətin əsas özəyi kimi dövlətin xüsusi himayəsindədir və dövlət öz siyasətində ailənin sosial müdafiəsi, gənc ailələrə qayğını əsas tutur.

 

Daha sonra Sumqayıt Şəhər İcra Hakimiyyəti yanında Məişət zorakılığına qarşı monitorinq qrupunun nümayəndəsi, psixoloq Aynur Eyvazova həyata keçirilən tədbirlərdən söz açıb, bu istiqamətdə görüləcək işləri nəzərə çatdırıb.

 

3 nömrəli ASM-in baş həkim əvəzi Sevinc Əkbərova Azərbaycan ailəsinin əsas sütunlarından biri olan Azərbaycan qadınının ölkəmizdə əmin-amanlığın qorunması, ailə dəyərlərinin yaşadılmasında mühüm rol oynadığını vurğulayıb.

 

"Qadın Problemlərinin Həllinə Yardım" ictimai birliyinin sədri Zenfira Mustafayeva rəhbərlik etdiyi təşkilata edilən müracitlərdən bəhs edib və ailə dəyərlərinin qorunması istiqamətində həyata keçirilən tədbirləri iştirakçıların diqqətinə çatdırıb.

 

Həmçinin çıxışlarda sağlam ailə təməlinin qurulması və qorunub saxlanılmasının sirrlərindən danışılıb, qarşılıqlı hörmət və məhəbbət sayəsində qurulan ailələrin daha uzunömürlü və xoşbəxt olması xüsusilə qeyd edilib.

 

Tədbirdə iştirak edən 40 ildən yuxarı birgə ömür sürmüş Süleymanovlar ailəsi gənc ailələrə öz dəyərli məsləhətlərini və tövsiyələrini veriblər.