Masallı Rayon Mərkəzi Xəstəxanasının sabiq baş həkimi, tibb üzrə fəlsəfə doktoru Tofiq Mirzəyev tarixdə 71 yaşında şəkərli diabetdən qəflətən dünyasını dəyişib.

Aztibb.az xəbər verir ki, T.Mirzəyev 1952-ci ildə Masallı rayonunun Qəriblər kəndində anadan olub. 1969-cu ildə Masallı şəhər 2 saylı orta məktəbi bitirdikdən sonra N. Nərimanov adına Azərbaycan Dövlət Tibb İnstitutuna qəbul olunub. 1975-ci ildə oranı fərqlənmə diplomu ilə bitirib.

O, 1994-cü ilin iyun ayından 2001-ci ilin sonunadək Masallı səhiyyəsinə rəhbərlik edib. Masallı rayon şöbəsinin YAP İdarə Heyətinin üzvü olub. 1998-ci ildə namizədlik dissertasiyasını uğurla müdafiə edib.

T.Mirzəyev Masallı və Biləsuvar rayonlararası tibbi Patoloji Anatomiya üzrə baş ekspert vəzifəsində işləyib.

Allah rəhmət eləsin!