Sumqayıt Tibb Mərkəzində (STM) 12 May - Beynləlxalq Tibb Bacısı Gününə həsr olunmuş tədbir keçirilib.

 

STM-dəm Aztibb.az-a verilən xəbərə görə, Mərkəzin direktoru Səkinə Sadıxova tibb bacılarını təbrik edərək çətin və şərəfli peşələrində onlara uğurlar arzulayıb. Direktor bildirib ki, rəhbərlik etdiyi tibb müəssisəsində tibb bacıları səhiyyə işçiləri arasında sayca çoxluq təşkil edir. Qeyd edib ki, ilkin tibbi təhsil almış şəfqət bacıları müalicə müddətində xəstələrlə ən çox ünsiyyətdə olan, həkim göstərişlərini yerinə yetirən peşə sahibləridir.

 

Tədbirdə, həmçinin bu günün tarixi haqqında geniş məlumat verilib, mahiyyətindən söhbət açılıb. Vurğulanıb ki, bu tarixin seçilməsi təsadüfi deyil və mayın 12-si ilk ingilis tibb bacısı Florens Haytingelin doğum günüdür.

 

Bildirilib ki, ilk azərbaycanlı şəfqət bacısı isə Nigar Şıxlinskaya olub. N.Şıxlinskanın həyatından bəhs edən videoçarx nümayiş olunub. Məlumat verilib ki, o Birinci Dünya müharibəsi başlayanda yaralı əsgərlərə tibbi yardım üçün yaradılan Qırmızı Xaç Cəmiyyətinin sədri seçilib, Azərbaycan Qızıl Aypara Cəmiyyətinin “Şəfqət xidməti”nin təşkilatçısı olub.

 

Bununla yanaşı, STM-in nəzdində olan tibb müəssisələrində çalışan tibb bacılarının iştirakı ilə hazırlanan videoçarx təqdim olunub.

 

Sonda 44 günlük Vətən müharibəsində iştirak edən tibb bacıları ilə yanaşı, bir qrup tibb bacısı Fəxri fərmanlarla mükafatlandırılıb.